មនុស្សយើងពេលខឹង យើងទើសទាល់ចិត្ត មិនពេញចិត្ត

 មនុស្សយើងពេលខឹង យើងទើសទាល់ចិត្ត មិនពេញចិត្ត 

ហើយធ្វើអ្វីមិនកើត យើងច្រើនជ្រើសរើសវិធីរំសាយចិត្តបែបណាបាទ? 

យើងច្រើនតែ គុំ ជេរប្រមាថ លាបពណ៌ ញុះញុង ដាក់បណ្តាសារជាដើម មែនទេបាទ? 

បើយើងខឹងអ្នកណាម្នាក់ យើងទៅបៀតបៀន ឃើញថា មានទោសជាក់ស្តែង

តែរឿងដែលខ្ញុំ ចម្លែកចិត្តពេលខ្ញុំរួបរួមឯកសារ រឿងការឱ្យផលរបស់កម្ម 

ដែលមានក្នុងព្រះពុទ្ធសាសនា ដែលព្រះអានន្ទ លោកពោលទុក ដែលជាការសម្តែងរបស់ព្រះសម្មាសម្ពុទ្ធ 

ប្រសិនបើយើង សិក្សាតាមកម្ម នៃសីល ត្រឹមសីល ៥ ហើយមានទោស តាមកម្មចុះ 

អ្នកខ្លះសិក្សាចំណុចនេះ អាចនឹងគិតថា ខ្ញុំរវើរវាយ និយាយមិនមានតម្រាជាក់លាក់ 

ពិតប្រាកដ មិនមានតម្រាជាក់លាក់នោះទេ តែខ្ញុំសិក្សាច្រើនល្មមសរុបរឿងនេះ ហើយរួបរួមសេចក្តី

ដូចជា អតីត ព្រះអានន្ទថេរៈ ជាព្រះឧបដ្ឋាករបស់ព្រះសម្មាសម្ពុទ្ធ លោកពោលទុកក្នុងរឿង 

មហាព្រហ្មនារទ លោកធ្លាប់មហានរក រោរុពនរក ឬ តម្រាខ្លះ សរសេរ ព មកជា វ គឺ រោរុវនរក

គឺមហានរកជាន់ទី 4 

នរកនេះ មានអាយុខៃ 4,000 ឆ្នាំនរក  ដូចយើងអាយុខ្ទង់ 75 ឆ្នាំ ត្រូវអស់អាយុ យ៉ាងណាអាយុ នរកនេះ ដូចគ្នា 

ប៉ុន្តែ ពេលវេលា មិនស្មើជាមួយមនុស្សយើងទេ 

1 ថ្ងៃ នៅក្នុងនរកនេះ = 921 កោដិ 6 លានឆ្នាំមនុស្ស 

បានន័យថា បើធ្លាក់នរកជាន់នេះតែមួយថ្ងៃ គឺពេលវេលាមនុស្ស កន្លងទៅ ជាង 9 កោដិឆ្នាំ

ដូច្នេះ មិនមានឱកាសណា មកប្រាប់ញាតិនោះទេ ថាខ្ញុំធ្លាប់ជេរគេ កុហកគេ មកធ្លាក់នរកជាន់នេះនោះ 

ចុះបើ ធ្លាក់ទៅ 1 ខែ នរក = 30 x 9,216,000,000 = (គិតខ្លួនឯងស្មើចំនួនឆ្នាំមនុស្ស)

ចុះបើធ្លាក់ទៅ 1 ឆ្នាំនរក 360 x 9,216,000,000 = (គិតខ្លួនឯងស្មើចំនួនឆ្នាំមនុស្ស)

ចុះបើឆេះទៅដល់ 4,000 ឆ្នាំនរក  x 9,216,000,000 = (គិតខ្លួនឯងស្មើចំនួនឆ្នាំមនុស្ស)

ខ្ញុំព្យាយាមសិក្សា កម្មដែលព្រះអានន្ទ បានធ្វើ ហេតុអ្វីធ្លាក់នរកជាន់នេះ 

ក្នុងតម្រាក៏មិនបញ្ជាក់ថា លោកធ្លាក់ទៅ ដល់ 4,000 ឆ្នាំនរកដែរ

បញ្ជាក់ត្រឹមថា លោកវេទនាក្រៃលែង អស់កាលដ៏យូរ 

អានសង្ខេបក្នុង បិដកលេខ 63 ទំព័រ 19

(បញ្ជាក់បន្តិច ព្រះអានន្ទ ធ្លាប់ធ្វើបុណ្យច្រើន ប្រាថ្នា ឧបដ្ឋាកព្រះពុទ្ធកន្លងមក 1 សែនផែនដីហើយ)

ខ្ញុំសិក្សាឃើញថា លោកបានធ្វើកម្មច្រើន 2 ប្រភេទ គឺ 

កម្មយកប្រពន្ធគេ និង កម្ម ផឹកសុរា 

បើយើងសិក្សាតាមសិក្ខាបទសីល 

យកប្រពន្ធគេ សីលខទី 3 

ផឹកសុរា សីលទី 5 

ដល់ពេលរួមចូលគ្នា ធ្លាក់នរក ជាន់ទី 4 

បានន័យថា រកចន្លោះឱ្យយើងត្រឹមត្រូវល្អណាស់ 

អញ្ចឹងនរក ជាន់ទី 4 គឺសិក្ខាបទ សីល រឿង ការនិយាយកុហក ញុះញុង ជេរប្រមាថ លាបពណ៌ មួលបង្កាច់ 

ដល់ពេលខ្ញុំសិក្សាទៅ ឃើញថា ការ និយាយកុហក និយាយជេរប្រមាថ លាបពណ៌ ញុះញុង មានទោស ជាងយើងសម្លាប់ទៅទៀត

ដូច្នេះពេលសរុបទៅ ឃើញាថា បើយើងខឹងអ្នកណាម្នាក់ ហើយទៅសម្លាប់បុគ្គលនោះបានសម្រេច 

យើងអាចត្រូវគេចាប់ដាក់គុកតែជាតិនេះ ហើយធ្លាក់នរក ជាន់ទី 1 

គឺសញ្ជីវនរក មានអាយុកាលត្រឹម 500 ឆ្នាំនរក 

មួយថ្ងៃនរក = 9 លានឆ្នាំមនុស្ស 

ឃើញថា ស្រាលជាងទោស នៃការ និយាយកុហក ជេរប្រមាថទៅទៀត 

ដូច្នេះ មិនចម្លែកទេ ដែលនៅក្នុង អនន្តរិយកម្ម 5 គឺ 

1. សម្លាប់ ឪពុកបង្កើត 

2. សម្លាប់ ម្តាយបង្កើត 

3. សម្លាប់ ព្រះអរហន្ត 

4. ធ្វើឱ្យព្រះពុទ្ធ របួស 

5. បំបែកសង្ឃ 

យើងសិក្សាទៅ អនន្តរិយកម្ម 4 ខាងលើ គឺធ្លាក់មហានរក អវចី 1 ចន្លោះព្រះពុទ្ធ

ឬ 1 អន្តរកប្ប ហើយក៏មានឱកាសឡើងមកវិញ 

តែទោស បំបែកសង្ឃ គឺ ឆេះអវចី 1 ផែនដី ដូចភិក្ខុទេវត្ត 

អញ្ចឹងសួរថា ការបំបែកសង្ឃ មិនបានធ្វើឱ្យព្រះសង្ឃរបួស ឬឈឺចាប់អ្វីនោះទេ 

ចុះម្តេច មានកម្មធ្ងន់ម្លេះ? 

គ្រាន់តែនិយាយសោះ ប្រើវាចាសោះ

ខ្ញុំសឹងមិនជឿថា គ្រាន់តែ ប្រើវាចាខុស មានឱកាស ធ្លាក់នរក 1 ផែនដីបាន

អញ្ចឹងហើយបាន សីលខទី 4 ធ្លាក់នរក ជ្រៅជាង សីល ទី 1 

ហើយសីល ខទី 4 គឺ

និយាយពាក្យមិនពិត មានការជេរប្រមាថ ញុះញុងឱ្យគេបែកបាក់គ្នា លាបពណ៌ (មួលបង្កាច់)

យើងឃើញថា បច្ចុប្បន្ននេះ មនុស្សភាគច្រើន ប្រើសិក្ខាបទ ទី 4 ងាយបំផុត ពេលខ្លះ សឹងតែគិតថា ជារឿងធម្មតាបាត់ទៅហើយ

ដូច្នេះ ប្រសិនបើថ្ងៃនេះ យើងជាអ្នកនិយាយពាក្យមិនពិត យើងចូលចិត្ត ជេរប្រមាថ ញុះញុង លាបពណ៌ 

យើងកំពុងសាងផ្លូវ ទៅកាន់រោរុពមហានរករួមគ្នាហើយ 

តើយើងគួរសប្បាយចិត្តទេថា មានមនុស្សច្រើនទៅរួមគ្នា 

ឬ យើងធ្វើខុសគេ ផ្ទុយពីគេ ដោយការ និយាយពាក្យពិត មិនជេរប្រមាថ មិនញុះញុង មិនលាបពណ៌

យើងជាអ្នកសាងផ្លូវទៅខ្លួនឯងបាទ 

(សម្រាប់អ្នកសិក្សាធម្មៈក្នុងព្រះពុទ្ធសាសនា)

@followers @topfans

#ស្ដេចចក្រ

#មហានរក