ក្នុងទុក្ខមានសុខ ក្នុងសុខក៏មានទុក្ខ ។ ពេលកំពុងជួបទុក្ខពិចារណាពីភាពមិនទៀង មិនថិតក្រោមអំណាចបង្គាប់បញ្ជារមិនបាន លះការប្រកាន់ត្រឹមកំណត់ដឹង( នោះសុខនឹងកើតឡើង) ពេលកំពុងជួបសុខអាចមានទុក្ខព្រោះសេចក្ដីប្រមាទ ( នោះទុក្ខនឹងកើតបន្ត) អ្នកដែលអាចពិចារណាលះចោលបាន ទាល់តែធ្លាប់វឹកហាត់ចិត្តរឿយៗ ផលសម្រេចតាមកំលាំងបញ្ញាដែលបានសន្សំ សំខាន់បំផុតសេចក្ដីព្យាយាមមិនដាក់ចុះទើបសម្រេចបាន។ សូមចងចាំពាក្យខ្លះៗដើម្បីដាស់សតិយើងអោយជាប់កុំអោយកើតក្ដីប្រមាទឡើង មានរូបមានទុក្ខជាធម្មតា មើលកាលមើលបុគ្គល ប្រើជីវិតដោយមិនប្រមាទ យើងមិនមានអំណាចលើសង្ឃារធម៍ទាំងនោះឡើយ ការរក្សាសិលចាំបាច់ណាស់ខ្វះមិនបាន តិចបំផុតក៏ត្រឹមសិល៥ ទើបចម្រើនសមាធិ នឹងចម្រើនវិបស្សនាបានប្រសើរ មិនខុសផ្លូវ ធម៍តែងរក្សារអ្នកមានធម៍ក្នុងចិត្ត ។ សូមញាតិទាំងឡាយបានចម្រើនក្នុងពុទ្ធសាសនា ដើម្បីបន្តកិច្ចប្រតិបត្តិតាមធម៍ តាមស្នាមព្រះបាតរបស់ព្រះសម្មាសម្ពុទ្ធនៃយើង គោរពស្មើរដោយជីវិត។
សាធុៗ សុខកើតពីការយល់ដឹងចៅ
